غزہ پر اسرائیلی جارحیت کا ایک سال مکمل، شہید صحافیوں کی تعداد 175 ہوگئی

غزہ  پر  اسرائیلی جارحیت کا  ایک سال مکمل ہوگیا ہے اور  اس دوران صیہونی فوج کے حملوں میں شہید صحافیوں کی تعداد 175 ہوگئی ہے۔

اسرائیل کی جانب سے گزشتہ روز شمالی غزہ کے پناہ گزین کیمپ میں 19 سالہ نوجوان صحافی حسن حماد کے گھر کو نشانہ بنایا گیا جس میں وہ شہید ہوگئے۔

حملے سے ایک روز قبل ہی حسن حماد نے بتایا تھا کہ انہیں اسرائیلی فوجی افسر کی جانب سے دھمکی دی گئی ہےکہ وہ غزہ  پر  ویڈیوز بنانا بند کردیں۔

غزہ جنگ کو ایک سال مکمل، 365 دنوں میں کیا کچھ ہوا؟

گزشتہ سال 7 اکتوبر کو شروع ہونے والی غزہ جنگ کو آج ایک سال مکمل ہوگیا ہے اور اب یہ جنگ غزہ اور اسرائیلی سے نکل کر لبنان تک پھیل گئی ہے

عرب میڈیا کے مطابق حسن حماد کی شہادت کے بعد 7 اکتوبر 2023 کے بعد سے غزہ میں شہید ہونے والے صحافیوں کی تعداد 175 ہوگئی ہے جب کہ 42 ہزار سے زائد افراد شہید اور 97 ہزار سے زائد زخمی ہوئے ہیں جن میں اکثریت بچوں اور خواتین کی ہے۔

جنگ کا ایک سال مکمل ہونے پر اب تک غزہ کے 20 لاکھ فلسطینی بے گھر ہیں۔

اسرائیل گزشتہ ایک سال کے دوران ہزاروں ٹن بم برسانے اور ہزاروں فوجیوں کے ساتھ زمینی کارروائی کرنے کے باوجود غزہ سے حماس کا وجود ختم نہیں کرسکا اور اسے آج بھی غزہ میں مزاحمت کا سامنا ہے۔

غزہ جنگ اب لبنان سے آگے شام، عراق تک پہنچ چکی ہے جب کہ ایرانی حملوں کے بعد ممکنہ اسرائیلی ردعمل کے بعد اس جنگ کے مزید پھیلنے کا خدشہ ظاہر کیا جارہا ہے۔ 

غزہ: اسرائیلی حملوں میں مزید 2 صحافی شہید ہوگئے

7 اکتوبر سے اب تک شہید صحافیوں کی تعداد 112 ہوچکی ہے، غزہ میڈیا دفتر

غزہ: اسرائیلی حملے میں صحافت سے وابستہ میاں بیوی بچے سمیت شہید

اسرائیلی فوج نے پچھلے 24 گھنٹوں میں المغازی، خان یونس، شجاعیہ اور رفح شہر پر حملے کیے: عرب میڈیا