حزب اللہ رہنما ہاشم صفی الدین کی ہلاکت کی تصدیق نہیں کرسکتے: اسرائیلی حکومت

اسرائیلی حکومت نے حزب اللہ کے متوقع سربراہ ہاشم صفی الدین کی ہلاکت کی تصدیق کرنے سے انکار کردیا۔

 غیر ملکی خبررساں ایجنسی کے مطابق اسرائیلی حکومت کے ترجمان کی جانب سے کہا گیا ہے کہ ہمارے پاس ہاشم صفی الدین کی ہلاکت کی مصدقہ اطلاع نہیں ہے، جب اس حوالے سے مصدقہ معلومات ملیں گی تو اسرائیلی فوج کی ویب سائٹ پر  اطلاع دے دی جائے گی۔

خیال رہے کہ اسرائیل نے جمعرات کو لبنان کے دارالحکومت بیروت میں فضائی بمباری میں حزب اللہ کے شہید سربراہ حسن نصر اللہ کے متوقع جانشین ہاشم صفی الدین کو نشانہ بنانے کا دعویٰ کیا تھا۔

حزب اللہ ذرائع کی جانب سے بھی غیر ملکی خبررساں ایجنسی کو بتایا گیا کہ جس علاقے میں ہاشم صفی الدین کی موجودگی کا امکان ہے وہاں مسلسل اسرائیلی بمباری کے باعث ریسکیو آپریشن میں رکاوٹ آرہی ہے۔

اس سے قبل لبنانی سکیورٹی ذرائع کی جانب سے کہا گیا تھا کہ اسرائیلی حملے کے بعد جمعے کے روز ہاشم صفی الدین سے کوئی رابطہ نہیں ہوا۔

اسرائیلی حملے میں حزب اللہ کے ممکنہ سربراہ ہاشم صفی الدین کی شہادت کی اطلاعات

لبنانی سکیورٹی ذرائع کا کہنا ہےکہ ہاشم صفی الدین اسرائیلی حملےکے بعد سے رابطے میں نہیں ہیں

بیروت حملوں کے بعد ایران کا القدس فورس کے سربراہ سے رابطہ منقطع: خبر ایجنسی

اسماعیل قاآنی، حسن نصراللہ پر حملے کے بعد بیروت گئے تاہم گزشتہ ہفتے بیروت پر اسرائیلی حملوں کے بعدان سے رابطہ منقطع ہے: ایرانی حکام