02 مارچ ، 2013 
عوام مصر اور ترکی کی طرح تبدیلی کیلئے تیار ہیں، جماعت اسلامی
02 مارچ ، 2013
پشاور … جماعت اسلامی پاکستان کے نائب امیرسراج الحق نے کہاہے کہ عوام مصراورترکی کی طرح تبدیلی کے لئے تیارہیں، انتخابات میں برسراقتدار آکر ملک میں خلافت نافذ کی جائے گی۔ پشاورکے نواحی علاقے چغرمٹی میں تقریب سے خطاب اور جیو نیوز سے گفتگو میں سراج الحق کا کہناتھا کہ 5 سالوں میں حکمران جماعتوں نے قوم کو دھماکے، کرپشن، بیروز گاری، بھوک اور غربت کے سوا کچھ نہیں دیا اور اس وقت بچہ بچہ عالمی اداروں کا قرض دار ہے۔ ان کا کہناتھا کہ لٹیرے وزراء کو گرفتار کرکے جیلوں میں ڈالا جائے گا۔ انہوں نے کہاکہ خیبرپختونخوا کے عوام بے پناہ ظلم سے تنگ آچکے ہیں، وہ مصر اور ترکی کی طرح تبدیلی چاہتے ہیں اور آئندہ حکومت جماعت اسلامی کی ہوگی جس کے نتیجے میں صوبے میں خلافت نافذ کی جائے گی۔
مزید خبریں :
پاکستانی وفد کا دورہ یورپ، حاصل کیا ہوا؟
7 گھنٹے پہلے
بلوچستان کے سمندر میں 35 فٹ لمبی بلیو وہیل مردہ پائی گئی
17 جون ، 2025
