20 مارچ ، 2025 
خیبرپختونخوا پولیس دہشتگردوں کے نشانے پر، رواں سال اب تک 68 حملوں میں 26 اہلکار شہید
20 مارچ ، 2025
خیبر پختونخوا میں رواں سال پولیس پر 68 دہشت گرد حملے ہوئے جن میں 26 پولیس اہلکار شہید جبکہ 30 زخمی ہو چکے ہیں۔
خیبر پختونخوا میں رواں سال پولیس پر ہونے والے حملوں کی رپورٹ جیونیوز کو موصول ہوئی ہے ۔
رپورٹ میں کہا گیا ہے کہ رواں سال15 مارچ تک پولیس پر 68 دہشت گرد حملے ہوئے ہیں جن میں 26 پولیس اہلکار شہید جبکہ 30 زخمی ہو چکے ہیں ۔ جوابی حملوں میں 69 دہشت گرد بھی مارے گئے ہیں۔
رپورٹ کے مطابق رواں سال جنوری میں29 ، فروری 24 جبکہ رواں ماہ کے دوران اب تک 15 حملے ہو چکے ہیں۔دہشت گرد حملوں میں 10 پولیس گاڑیوں کو نقصان پہنچا ہے۔
رپورٹ میں کہا گیا ہے کہ رواں سال اب تک 16 چوکیوں جبکہ 7 تھانوں پر دہشت گرد حملے ہو چکے ہیں ۔
رپورٹ کے مطابق رواں سال شدت پسندوں نے 9 پولیس پارٹیوں پر حملے کیے۔ سینٹرل پولیس آفس کا کہنا ہے کہ عوام کی خدمت کے ساتھ دہشت گردوں کے خلاف جنگ جاری رہے گی۔
مزید خبریں :
کراچی: جمالی گوٹھ میں 10سالہ بچے کی پھندا لگی لاش ملی ہے
19 مارچ ، 2025
