26 مارچ ، 2025 
عامر خان کے بعد ایک اور سپر ہٹ اداکار نے بالی وڈ چھوڑنے کا عندیہ دیدیا
26 مارچ ، 2025
معروف بھارتی ہدایت کار انوراگ کیشپ کے بعد اب سینئر بھارتی اداکار سنی دیول بھی بالی وڈ چھوڑنے کا ارادہ رکھتے ہیں۔
اس سے قبل اگست 2024 میں مسٹر پرفیکشنسٹ عامر خان بھی بالی وڈ چھوڑنے کی خواہش کا اظہار کر چکے ہیں۔
اب سنی دیول نے حال ہی میں اپنی نئی فلم ’جات‘ کے پروموشنل ایونٹ میں میڈیا سے گفتگو کرتے ہوئے کہا کہ یہ ڈھائی کلو کے ہاتھ کی طاقت پورا نارتھ دیکھ چُکا ہے، اب ساؤتھ دیکھے گا۔
اُنہوں نے کہا کہ بالی وڈ پروڈیوسرز کو ساؤتھ انڈین فلموں کے پروڈیوسرز سے سیکھنا چاہیے، جسے بالی وڈ کہا جاتا ہے اسے پہلے ہندی سنیما کے طور پر دیکھیں۔
سنی دیول نے کہا کہ ساؤتھ انڈین فلم پروڈیوسرز موضوع پر توجہ دیتے ہیں، ڈائریکٹر پر بھروسہ کرتے ہیں اور اس کے ویژن کو پورا کرنے کی ہر ممکن کوشش کرتے ہیں، ان کے لیے فلم کی پوری کہانی ’ہیرو‘ ہوتا ہے اس لیے مجھے ان کے ساتھ کام کر کے بہت مزہ آیا۔
اُنہوں نے کہا کہ میں نے فلم ’جات‘ کے پروڈیوسر سے ایک اور فلم بنانے کو بھی کہا ہے۔
اداکار نے مزید کہا کہ ہو سکتا ہے میں مستقبل میں بالی وڈ چھوڑ کر ساؤتھ انڈین فلم انڈسٹری کا ہی حصہ بن جاؤں۔
واضح رہے کہ فلم ’جات‘ سنی دیول کے کیریئر کی پہلی ساؤتھ انڈین فلم ہے، اس فلم کو سنیما گھروں میں ہندی، تمل اور تیلگو زبان میں ریلیز کیا جائے گا۔
مزید خبریں :
شاہ رخ خان رات میں صرف 3 گھنٹے کی نیند کیوں لیتے ہیں؟
28 مارچ ، 2025
