01 اپریل ، 2025 
وزیر اعظم شہباز شریف کے مختلف عالمی رہنماؤں سے رابطے، عید الفطر کی مبارکباد
01 اپریل ، 2025
وزیر اعظم شہباز شریف نے عید الفطر کے موقع پر مختلف عالمی رہنماؤں سے ٹیلیفونک رابطے کیے اور عید کی مبارک باد دی۔
وزیراعظم شہباز شریف نے متحدہ عرب امارات کے صدر محمد بن زاید النہیان، ایران کے صدر مسعود پزشکیان، ملائیشیا کے وزیر اعظم سری انور ابراہیم اور بنگلا دیش کے چیف ایڈوائزر ڈاکٹر محمد یونس سے ٹیلیفونک گفتگو کی۔
وزیراعظم نے بحرین کے بادشاہ، قازقستان اور ترکمانستان کے صدور سے بھی ٹیلیفونک رابطہ کیا۔
وزیر اعظم نے باہمی دلچسپی کے مختلف امور پر تبادلہ خیال کیا
وزیر اعظم شہباز شریف نے عالمی رہنماؤں کو عید الفطر کی مبارکباد دی اور باہمی دلچسپی کے مختلف امور پر تبادلہ خیال کیا۔
وزیر اعظم نے عالمی رہنماؤں سے دوطرفہ تعلقات کو مزید مضبوط بنانے اور تعلقات کوفائدہ مند اقتصادی اشتراک میں بدلنے کے عزم کا اعادہ بھی کیا۔
اس کے علاوہ وزیراعظم نے میانمارکے وزیراعظم جنرل من آنگ ہلینگ سے بھی ٹیلیفونک گفتگو کی اور 28 مارچ کے تباہ کن زلزلے پر اظہار تعزیت کیا۔
وزیر اعظم نے کہا کہ پاکستان زلزلہ متاثرہ افراد کی تکالیف کم کرنے کےلیےہر قسم کی مدد فراہم کرنے کےلیے تیار ہے۔
مزید خبریں :
صدر مملکت آصف علی زرداری کی طبیعت ناساز، اسپتال منتقل
01 اپریل ، 2025
