26 مئی ، 2025 
جرائم
ابتدائی تحقیقات کے بعد یہ بات سامنے آئی ہے کہ بس کے ساتھ گاڑی کو ٹکرایا گیا جس کے بعد بس میں آگ لگ گئی: سی ٹی ڈی— فوٹو:فائل
خضدار میں اسکول کے بچوں کی بس پر خودکش حملہ کیا گیا: سی ٹی ڈی
26 مئی ، 2025
محکمہ انسداد دہشتگردی (سی ٹی ڈی) نے کہا ہے کہ بلوچستان کے ضلع خضدار میں اسکول کی بس کو نشانہ بنانے کے واقعے کی تحقیقات جاری ہیں۔
حکام کے مطابق ابتدائی تحقیقات کے بعد یہ بات سامنے آئی ہے کہ بس کے ساتھ گاڑی کو ٹکرایا گیا جس کے بعد بس میں آگ لگ گئی۔
حکام نے بتایاکہ مبینہ حملہ آور کے جسمانی اعضا فارنزک سائنس لیبارٹری بجھوائے گئے ہیں اور واقعے میں استعمال ہونے والے بارودی مواد کا جائزہ لیاجا رہا ہے۔
خیال رہے کہ خضدار میں گزشتہ ہفتے اسکول کی بس پر ہونے والے حملے میں 8 طالب علم شہید اور40 سے زائدزخمی ہوئے تھے۔
مزید خبریں :
ایس آئی یو نے کراچی سے ’را‘ کے 4 ایجنٹ گرفتار کرلیے
25 جون ، 2025
