کھیل
14 مارچ ، 2013
14 مارچ ، 2013 
اذلان شاہ ہاکی ٹورنامنٹ: آج قومی ٹیم ملائیشیا کے مدمقابل ہوگی
14 مارچ ، 2013
ایپوہ … اذلان شاہ ہاکی ٹورنامنٹ میں آج پاکستان ہاکی ٹیم میزبان ملائیشیا کے خلاف میدان میں اترے گی۔ ایپوہ میں جاری ایونٹ میں پاکستان ٹیم نے ایک میچ تو جیتا، لیکن 2 میچز میں شکست کے بعد قومی ٹیم کے فائنل میں پہنچنے کے امکانات کم ہوگئے ہیں، آسٹریلیا نے پاکستان کو 6 صفر، جبکہ بھارت نے 3 ایک سے شکست دی۔ قومی ٹیم کی مینجمنٹ اب بھی پرامید ہے کہ کھلاڑی میزبان ملائیشیا کے خلاف اچھی کارکردگی دکھائیں گے۔ میچ پاکستانی وقت کے مطابق شام 5 بجے شروع ہوگا۔ آسٹریلیا اور ملائیشیا کے 3 ، 3 میچز کے بعد 7، 7 پوائنٹس ہیں، جبکہ نیوزی لینڈ، بھارت، پاکستان اور جنوبی کوریا کے 3، 3 پوائنٹس ہیں۔
