02 جنوری ، 2014 
پرویز مشرف کو علاج کیلئے بیرون ملک منتقل کرنے پر غور
02 جنوری ، 2014
راولپنڈی…سابق صدر پرویز مشرف کو علاج کے لیے بیرون ملک منتقل کرنے پر غور کیا جارہا ہے۔ذرائع کے مطابق سابق صدر جنرل ریٹائرڈ پرویز مشرف کی بیرون ملک منتقلی پر غور کیا جارہا ہے تاہم بیرون ملک منتقلی کافیصلہ ڈاکٹرزکی حتمی رپورٹ آنے کے بعدکیاجائے گا۔ذرائع نے بتایا کہ سابق صدر کی اہلیہ بیگم صہبامشرف آرمڈ فورسز انسٹیٹیوٹ آف کارڈیالوجی (اے ایف آئی سی ) پہنچ گئی ہیں اور ان کی بیٹی کو بھی کراچی سے اسلام آباد بلا لیاگیا۔ذرائع کے مطابق سابق صدر اب تک ہوش میں نہیں آئے ہیں۔ڈاکٹرز کی ٹیم ان کا طبی معائنہ کررہی ہے جس کے بعد فیصلہ کیا جائے گا کہ انہیں بیرون ملک منتقل کیا جائے یا پاکستان میں ہی علاج کیا جائے۔ ذرائع نے بتایا کہ پرویز مشرف کی کل شام سے طبیعت خراب تھی اورڈاکٹروں کی ایک ٹیم نے کل بھی ان کا معائنہ کیا تھا۔
مزید خبریں :
پاکستانی وفد کا دورہ یورپ، حاصل کیا ہوا؟
7 گھنٹے پہلے
بلوچستان کے سمندر میں 35 فٹ لمبی بلیو وہیل مردہ پائی گئی
17 جون ، 2025
