09 اپریل ، 2012 
پی ٹی سی ایل کی نج کاری سے 50 کروڑ ڈالر کے حصول کی کوشش
09 اپریل ، 2012
کراچی… رواں سال جون تک پی ٹی سی ایل کی نج کاری کے 80 کروڑ ڈالر میں سے 50 کروڑ ڈالر حاصل کرنے کی کوشش کی جائے گی۔ وزارت خزانہ کے ذرائع نے جیو نیوز کو بتایاکہ پی ٹی سی ایل کی نج کاری کے سلسلے میں اتصلات کے ساتھ جائیداد کی منتقلی کے معاملات طے ہوچکے ہیں۔ دو ہزار 800 سے زائد جائیدادوں میں سے صرف تین جائیدادوں کی منتقلی ہونا باقی ہے۔ ذرائع کے مطابق حکومت پاکستان اتصلات کے ساتھ بات چیت میں یہ موقف اٹھائے گی کہ جتنی جائیدادیں منتقل ہوئیں ان کے مساوی بقایاجات ادا کیے جائیں۔ ذرائع کے مطابق وزیر خزانہ آیندہ ماہ اتصلات سے بات چیت کریں گے تاہم یہ بات چیت کہاں ہونا ہے اس کا فیصلہ ابھی نہیں ہوا۔ ذرائع کے مطابق وزیر خزانہ اتصلات سے 40 سے 50 کروڑ ڈالر حاصل کرنے کی کوشش کریں گے۔ اتصلات کی طرف 80 کروڑ ڈالر واجب الادا ہیں جن کی عدم دستیابی پاکستان کے لیے بیرونی ادائیگیوں میں مسائل کا باعث ہے۔
مزید خبریں :
پاکستان سے چین کو اونٹنی کے دودھ کے پاؤڈر کی برآمد کا آغاز
28 اپریل ، 2025
ملک میں سونے کی قیمت مزید کم ہوگئی
28 اپریل ، 2025
پاکستان نے چین سے مزید 10 ارب یوان کی درخواست کر دی
27 اپریل ، 2025
9 ماہ میں بجلی کی تقسیم کار کمپنیوں نے 143 ارب روپے کا نقصان کیا
26 اپریل ، 2025
سونے کی قیمت مزید کم ہوگئی
25 اپریل ، 2025
