گجرات میں کاونٹر ٹیررازم ڈیپارٹمنٹ کی کارروائی کے دوران کالعدم تحریک طالبان کے 3 دہشت گرد ہلاک جبکہ 3فرار ہوگئے ۔

ترجمان سی ٹی ڈی کے مطابق گجرات میں یونیورسٹی روڈ پر نالہ مرادپور کے قریب 6 دہشت گرد چھپے تھے۔

سی ٹی ڈی نے خفیہ اطلاع پر وہاں چھاپہ مارا تو دہشت گردوں نے فائرنگ کردی تاہم سی ٹی ڈی کی جوابی فائرنگ سے3دہشت گرد مارے گئے جبکہ ان کے3ساتھی فرار ہوگئے جن کی تلاش جاری ہے۔

ہلاک دہشت گردوں سے بھاری مقدار میں بارودی مواد اور اسلحہ بھی برآمد کرلیا گیا ہے۔