03 اپریل ، 2019 
لاہور کے سرکاری اسپتالوں میں مفت ٹیسٹ کی سہولت اچانک ختم کر دی گئی
03 اپریل ، 2019
لاہور: سرکاری اسپتالوں میں کسی بھی اعلان کے بغیر مریضوں کے لیے مفت ٹیسٹ کی سہولت ختم کر دی گئی جس کے بعد اب معمولی بلڈ ٹیسٹ ہو یا ایکسرے، مریضوں کو اس کی فیس ادا کرنی ہوگی۔
لاہور کے سرکاری اسپتالوں میں مریضوں کے لیے مفت ٹیسٹ کی سہولت خاموشی کے ساتھ ختم کر دی گئی جب کہ جن ٹیسٹوں کی پہلے فیس وصول کی جاتی تھی، ان کی فیسوں میں اضافہ کر دیا گیا ہے۔
مریضوں کے مطابق اب او پی ڈی یا ایمرجنسی میں آنے والے اور اسپتالوں میں داخل مریضوں کو ہر قسم کے ٹیسٹ کی فیس بھرنی پڑ رہی ہے۔
مریضوں اور ان کے لواحقین کا کہنا ہےکہ مہنگی ادویات کے بعد ٹیسٹوں کی بڑھتی فیسوں نے غریب مریضوں کی کمر توڑ کر رکھ دی ہے، ٹوکن کے لیے مردوں اور خواتین کو کئی کئی گھنٹے قطاروں میں لگنا پڑتا ہے۔
علاج کی غرض سے اسپتال آنے والوں نے مفت ٹیسٹوں کی سہولت برقرار رکھنے کا مطالبہ کیا ہے۔
میو اسپتال میں ٹیسٹوں کی ڈیوٹی پر مامور ملازمین نے مفت ٹیسٹوں کی سہولت ختم ہونے کی تصدیق کرتے ہوئے بتایا کہ اب کوئی بھی ٹیسٹ مفت نہیں ہوتا۔
مزید خبریں :
سوئیڈن سگریٹ سے نجات پانے والا دنیا کا پہلا ملک بن گیا
21 نومبر ، 2024
رواں سال سندھ بھر میں ایچ آئی وی ایڈز کے مریضوں میں اضافہ
21 نومبر ، 2024
یورک ایسڈ کو کنٹرول کرنے والے بہترین مشروبات
21 نومبر ، 2024
ذیابیطس ٹائپ 2 جیسا مرض تیزی سے پھیلنے کی اہم وجہ دریافت
20 نومبر ، 2024
وہ عام عادت جس سے ہر عمر میں دماغ کو جوان رکھنے میں مدد ملتی ہے
20 نومبر ، 2024
