رتو ڈیرو میں مزید 49 افراد کا ایڈز سے متاثر ہونے کا انکشاف، تعداد 324 ہوگئی

لاڑکانہ کی تحصیل رتو ڈیرو میں مزید 49 افراد کے ایڈز سے متاثر ہونے کا انکشاف ہوا ہے۔ 

انچارج ایڈز کنٹرول پروگرام ڈاکٹر سکندر میمن کے مطابق رتو ڈیرو میں آج 920 شہریوں کے خون کے نمونے لیے گئے جس میں سے 49 افراد میں ایچ آئی وی ایڈز کی تصدیق ہوئی ہے۔ 

رتو ڈیرو میں ایڈز سے متاثرہ افراد کی تعداد 200 سے تجاوز کر گئی

اسکریننگ کے دوران 181 بچوں اور 34 بڑے افراد میں ایچ آئی وی ایڈز کی تصدیق ہو چکی ہے: سربراہ انسداد ایچ آئی وی ایڈز

انہوں نے کہا کہ 49 کیسز میں 38 بچے اور 11 خواتین شامل ہیں۔ 

ان کا کہنا تھا کہ 13 روز میں 7 ہزار افراد کی اسکریننگ کی گئی جس میں سے اب تک 324 افراد میں آیچ آئی وی مثبت پایا گیا ہے۔

ڈاکٹر سکندر میمن کے مطابق ایچ آئی وی پھیلنے کی بنیادی وجہ سرنج کا ایک سے زائد بار استعمال ہونا ہے، بدقسمتی سے ایک سرنج دو سے چار مریضوں پر استعمال کی جا رہی تھی جب کہ ایچ آئی وی کے پھیلنے کی دوسری بنیادی وجہ غیر معیاری انتقال خون ہے۔