05 نومبر ، 2019 
پاکستانی نژاد ڈاکٹر ثنا خان نے اسٹینڈنگ ایم آر آئی مشین ایجاد کردی
05 نومبر ، 2019
پاکستانی نژاد امریکی ڈاکٹر ثنا خان نے اسٹینڈنگ ایم آر آئی مشین ایجاد کرکے دنیا بھر کے مریضوں کی مشکلات آسان کرتے ہوئے پاکستان کا نام روشن کردیا۔
نیوروفزیولوجی اور ایناٹیمی میں دو پی ایچ ڈی کرنے والے پاکستانی نژاد امریکی ڈاکٹر ثنا خان ان دنوں پاکستان کے دورے پر ہیں جنہوں نے پہلی اسٹیڈنگ ایم آر آئی مشین ایجاد کی ہے۔
جیونیوز سے گفتگو کرتے ہوئے ڈاکٹر ثنا کا کہنا تھا کہ ایم آر آئی مشین میں مریض جب لیٹتا ہے تو اکثر گھبراہٹ، پریشانی اور بے ہوشی کا سامنا کرنا پڑتا ہے لیکن اب مریض ٹی وی دیکھتے دیکھتے اپنا ایم آر آئی کروالیتا ہے۔
ایم آئی مشین سے متعلق بتاتے ہوئے ڈاکٹر ثنا نے بتایا کہ جس ٹنل میں مریض لیٹتا ہے اس کی جگہ ایک نیا ڈیزائن اور سافٹ ویئر بنایا ہے، اس کے سائڈ میں میگنٹ لگائے گئے ہیں جس سے مریض کو گھبراہٹ نہیں ہوتی۔
انہوں نے مزید بتایا کہ اس مشین سے زیادہ وزن رکھنے والے افراد اور بچوں کو بے ہوش کیے بغیر ہی ایم آر آئی کیا جاسکتا ہے، اس کے علاوہ نارمل ایم آر آئی کی نسبت اسٹینٹنگ ایم آر مشین میں درست اعضاء کی درست تشخیص کی جاسکتی ہے۔
ڈاکٹر ثنا خان کا کہنا تھا کہ اب تک امریکا، خلیجی ریاستوں اور یورپ کے کئی ممالک میں کروڑوں لوگ اس مشین سے فائدہ اٹھا چکے ہیں جب کہ پاکستان میں یہ ٹیکنالوجی حکومتی تعاون اور نجی شعبے کے اشتراک سے جلد متعارف کرائی جائے گی۔
مزید خبریں :
ہڈیوں کو کمزور بنا دینے والی عام غلطیاں جو بیشتر افراد کرتے ہیں
22 دسمبر ، 2024
کیا زیادہ پانی پینے سے صحت کو فائدہ ہوتا ہے؟
22 دسمبر ، 2024
چینی سائنسدانوں کی اہم پیشرفت، بڑھاپا ماضی کا قصہ بننے کے قریب
22 دسمبر ، 2024
توند کی چربی گھلانے کے لیے ہر ہفتے کتنی ورزش کرنی چاہیے؟
20 دسمبر ، 2024
آپ کی وہ عام عادت جو گردوں کے تکلیف دہ امراض کا شکار بنادیتی ہے
20 دسمبر ، 2024
