’ایک چیمپئنز ٹرافی کی کارکردگی پر 3 سال نکال دیے گئے‘

پاکستان کے ٹیسٹ وکٹ کیپر بیٹسمین کامران اکمل کا کہنا ہے کہ ماضی میں پسند ناپسند کی بنیاد پر ٹیمیں سلیکٹ ہوا کرتی تھیں لیکن اب امید ہے کہ نئی منیجمنٹ میں ایس انہیں ہوگا کیوں کہ مصباح الحق ایک سسٹم کے تحت کرکٹ میں آئے تھے اور انہیں ڈومیسٹک کی پرفارمنس کا اندازہ ہے۔

کراچی میں سندھ اور سینٹرل پنجاب کے درمیان قائد اعظم ٹرافی کے میچ میں نصف سنچری اسکور کرتے ہوئے اپنے 13 ہزار فرسٹ کلاس رنزمکمل کرنے کے بعد میڈیا سے گفتگو میں کامران اکمل نے کہا کہ ماضی میں اگر منیجمنٹ ڈومیسٹک پرفارمرز کو توجہ دیتی تو آج چیزیں بہت بہتر ہوتیں۔

کامران اکمل کی دھواں دار اننگز بھی مکی آرتھر کو متاثر نہ کرسکی

مجھے مچل اسٹارک کی کوچنگ کرنے کا اس وقت موقع ملا جب وہ کافی کم عمر تھے، شاہین شنواری اور ان کی بولنگ میں بہت مماثلت ہے، ہیڈ کوچ

انہوں نے کہا کہ ایک چیمپئنز ٹرافی کی کارکردگی پر 3 سال نکال دیے گئے اور بیک اپ نہیں تیار ہوا۔

کامران اکمل نے کہا کہ ماضی میں منیجمنٹ کہتی رہی کہ وہاب ریاض پلان کا حصہ نہیں، لیکن وہ ورلڈ کپ میں آیا اور پرفارم بھی کیا، افتخار کو ٹیم کے قریب نہیں آنے دیا گیا تھا لیکن اب وہ آکر پرفارم کر گیا۔

کامران اکمل فرسٹ کلاس کرکٹ میں 900 شکار کرنے والے پہلے ایشین وکٹ کیپر

گذشتہ 4 سیزن میں بطور وکٹ کیپر بلے باز میری پرفارمنس کے بعد مجھے ورلڈ ٹیسٹ چیمپئن شپ میں موقع ملنا چاہیے،کامران اکمل

وکٹ کیپر بیٹسمین نے کہا کہ کوچز کا کسی پلیئر کے بارے میں یہ کہنا مناسب نہیں کہ وہ ٹیم کے پلانز کا حصہ نہیں کیوں کہ اس سے کھلاڑی کا اعتماد خراب ہوتا ہے۔

انہوں نے کہا کہ ینگسٹرز کو ٹیم میں لائیں، ضرور لائیں لیکن ایک دو پرفارمنس کی بنیاد پر نہیں، پورے سسٹم کے تحت ورنہ پلیئر کا بھی نقصان ہے اور ٹیم کا بھی نقصان ہے۔

کامران اکمل قومی ٹیم کیلئے دوبارہ کیوں نہیں کھیل سکتے؟

ویسے موضوع بحث تو یہ بات بھی ہے کہ ٹیسٹ کرکٹ میں قیادت سے وکٹ کیپر سرفراز احمد کو علیحدہ کر دینا چاہیے

انہوں نے کہا کہ پلیئرز کو پاکستان سپر لیگ (پی ایس ایل) کے ایک دو میچز کی بجائے ڈومیسٹک میں طویل دورانیے کی کرکٹ کی بنیاد پر سلیکٹ کیا جائے تاکہ کرکٹر پوری طرح میچور ہوسکے۔

کامران اکمل نے کہا کہ وہ پر امید ہیں کہ انہیں ٹیم میں چانس ضرور ملے گا اور ان کی پرفارمنس کو ضرور نوٹس کیا جائے گا۔

ورلڈ کپ اسکواڈ میں جگہ نہ بنانے پر وہاب ریاض اور کامران اکمل کا شکوہ

فواد عالم، وہاب ریاض اور محمد عرفان مسلسل ڈومیسٹک کرکٹ میں پرفارم کر رہے مگر سلیکٹرز کو نظر نہیں آرہا، کامران اکمل

انہوں نے کہا کہ وہ سمجھتے ہیں کہ پاکستان ٹیم میں پانچویں اور چھٹی پوزیشن پر ایک مستند بیٹسمین کی ضرورت ہے اور وہ اس کمی کو پورا کرسکتے ہیں، دنیا کی کئی ٹیموں میں دو ، دو وکٹ کیپر کھیلتے ہیں، یہاں بھی اگر ایسا ہوجائے تو کوئی حرج نہیں۔

انہوں نے اس خواہش کا بھی اظہار کیا کہ وہ سری لنکا کیخلاف ہوم ٹیسٹ سیریز کھیلنا چاہتے ہیں۔