24 جولائی ، 2020 
ریلوے 2 سال میں شدید مالی بحران کا شکار، 9 ارب روپے کا خسارہ بڑھ گیا
24 جولائی ، 2020
لاہور: پاکستان ریلوے 2 سال میں شدید مالی بحران کا شکار ہوگیا۔
102 مسافر ٹرینیں تاحال بند ہیں جبکہ مال گاڑیوں کا کاروبار بھی متاثر ہورہا ہے۔ 2018 میں ہدف سے چار ارب زیادہ کمانے والے ریلوے نے 2019 میں 7 ارب روپے کم کمائے، ملازمین اپنے واجبات کے لیے در بدر ہورہے ہیں۔
وفاقی وزیر ریلوے شیخ رشید احمد نے گز شتہ دو برسوں میں 34 نئی مسافر ٹرینوں اور 8 مال گاڑیوں کا اضافہ کیا اور سال 2018 کے بجٹ ٹارگٹ سے 4 ارب روپے زیادہ کمائے لیکن اگلے ہی برس ادارہ مالی بحران کا شکار ہو گیا۔
ریلوے حکام کہتے ہیں کہ ترقی کی طرف گامزن ریلوے کی سالانہ آمدن 7 ارب کم اور خسارہ 9 ارب روپے بڑھ گیا۔
دوبرسوں میں ٹرین حادثات بھی بے قابو ہوگئے اور چھوٹے بڑے ایک سو سے زائد حادثات نے ٹرین کے محفوظ سفر پر بھی سوالیہ نشان لگادیا ہے۔
ریلوے ملازمین کی تعداد ایک لاکھ سے کم ہو کر صرف 77 ہزار رہ گئی ہے جب کہ مسافر ٹرینیں چلانے والے نجی شعبے نے بھی منہ موڑ لیا ہے۔
ریلوے حکام کہتے ہیں کہ صرف تنخواہ، پنشن اور فیول کی مد میں سالانہ اخراجات تقریباً 40 ارب ہیں۔
ریلوے نے آمدنی میں کمی اور خسارے میں اضافے کی ذمہ داری گزشتہ حکومت کے بعد اب کورونا وبا پر ڈال دی ہے جب کہ حکام کا کہنا ہے کہ ٹرین حادثات کی روک تھام کے لیے مؤثر اقدامات کیے جا رہے ہیں۔
مزید خبریں :
پاکستانی روپے کی قدر میں اضافہ، ڈالر مزید سستا ہوگیا
5 گھنٹے پہلے
پاکستان اسٹاک میں 100 انڈیکس نئی بلند ترین سطح پرپہنچ گیا
22 نومبر ، 2024
روپے کے مقابلے میں ڈالر سستا ہوگیا
21 نومبر ، 2024
سونا مسلسل مہنگا، ایک بار پھر قیمت میں بڑا اضافہ
21 نومبر ، 2024
طیارہ سازی کی صنعت میں پاکستان ایک قدم مزید آگے
21 نومبر ، 2024
