25 دسمبر ، 2020 
بے اولاد جوڑے نے بچھڑے کو اپنا بیٹا بناکر گود لے لیا
25 دسمبر ، 2020
بھارتی ریاست اتر پردیش میں ایک بے اولاد جوڑے نے بچھڑے کو اپنا بیٹا بناکرگود لے لیا۔
بھارتی میڈیا رپورٹس کے مطابق ضلع شاجہاں پور کے شہری وجیپال اور ان کی بیوی راجیشوری دیوی کی شادی کو 15 سال ہو گئے تھے لیکن یہ اولاد کی نعمت سے محروم ہیں۔
وجیپال نے بتایا کہ ہم اپنے بچھڑے (لالتو) کو بالکل اپنا بیٹا سمجھتے تھے اور اس سے ہم اپنی اولاد کی طرح ہی پیار کرتے ہیں۔
انہوں نے بتایا کہ جب بچھڑے کو جنم دینے والی گائیں مری تو یہ یتیم ہو گیا تھا جس کے بعد ہم نے اسے بیٹا تسلیم کرکے اسے گود لینے کا فیصلہ کیا۔
بے اولاد جوڑے نے اپنے گاؤں میں بچھڑے کو گود لینے کی خوشی میں ایک تقریب منعقد کی جسے 'منڈن' کہا جاتا ہے۔
بھارت میں منڈن کی تقریب بچہ پیدا ہونے کے ساتویں دن کی جاتی ہے اور اس دن بچے کے سر سے بال اتارے جاتے ہیں، انہوں نے اس تقریب میں تقریباً 500 لوگوں کو مدعو کیا تھا جب کہ تقریب میں آنے والے مہمانوں نے ان کے بچھڑے (لالتو بابا) کو بے شمار تحائف دیے۔
مزید خبریں :
گھر کے منجھلے بچوں کی ایک بڑی خوبی سامنے آگئی
4 گھنٹے پہلے
وہ اے آئی آرٹسٹ جو اپنی تصاویر سے لاکھوں ڈالرز کما رہا ہے
23 دسمبر ، 2024
ہر گاڑی میں چھپے ایسے راز جن کا علم بہت کم افراد کو ہوتا ہے
22 دسمبر ، 2024
