سرفراز بگٹی سے متعلق واقعے کو میرٹ پر دیکھا جائے گا، ترجمان بلوچستان حکومت

ترجمان حکومت بلوچستان لیاقت شاہوانی نے کہا ہے کہ مولاناشیرانی کےمعاملےمیں ثابت ہوگیا کہ اپوزیشن جماعتوں میں جمہوریت نہیں ہے۔

ترجمان حکومت بلوچستان لیاقت شاہوانی نے کوئٹہ میں میڈیا سے بات چیت کرتے ہوئے کہا کہ اختلاف پر جمعیت کے سینیئر قائدین کوفارغ کردیاگیا۔

سینیٹرسرفراز بگٹی پر لیویز ناکے پر حملہ کرنے کا مقدمہ درج

ایف آئی آر جھوٹی ہے ،ڈی سی بارکھان نے سیاسی بنیادوں پر ایف آئی آر درج کی ہے: سرفراز بگٹی

ان کا کہنا تھا کہ بارکھان میں سینیٹر سرفراز بگٹی سے متعلق واقعے کو میرٹ پر دیکھا جائے گا۔

خیال رہے کہ بارکھان کے علاقے چچہ میں سینیٹرسرفراز بگٹی اور ان کے گن مینوں کے خلاف لیویز ناکے پر حملہ کرنے کا مقدمہ درج کرلیا گیا ہے۔

دوسری جانب جیو نیوز سے بات چیت کرتے ہوئے سرفراز بگٹی کا کہنا تھا کہ ایف آئی آر جھوٹی ہے ،ڈی سی بارکھان نے سیاسی بنیادوں پر ایف آئی آر درج کی ہے، میں نے تو اس علاقے میں سفر ہی نہیں کیا۔

انہوں نے کہا کہ ڈی سی کے خلاف سینیٹ میں تحریک استحقاق لاؤں گا۔