26 مئی ، 2022 
پاکستان
سندھ پولیس کے فنانس ڈیپارٹمنٹ کی جانب سے اسلحہ اور گولہ بارود کی مد میں بھی 79 کروڑ روپے کی ادائیگی کی گئی ہے/ فائل فوٹو
سندھ پولیس نے 13 کروڑ کے آنسو گیس شیل خریدلیے
26 مئی ، 2022
کراچی: سندھ پولیس کی جانب سے حال ہی میں 13 کروڑ روپے سے زائد مالیت کی اشک آور گیس کے شیل اور اس نوعیت کے دیگر سازوسامان کا ذخیرہ خریدا گیا ہے۔
اس سامان کی خریداری کےلیے سندھ پولیس کے فنانس ڈیپارٹمنٹ کی جانب سے ادائیگی کی جا رہی ہے۔
ذرائع کے مطابق سندھ پولیس کے فنانس ڈیپارٹمنٹ کی جانب سے اسلحہ اور گولہ بارود کی مد میں بھی 79 کروڑ روپے کی ادائیگی کی گئی ہے اور اسی طرح 62 کروڑ روپے کی خطیر رقم کی ادائیگی پستولوں اور ان کی گولیوں کی خریداری پر کی گئی ہے۔
پولیس ذرائع کے مطابق اسلحہ اور گولہ بارود کی یہ کھیپ سندھ پولیس کو موصول ہو چکی ہے۔
