12 جنوری ، 2023 
پاکستان
فوٹو: فائل
گورنر پنجاب نے وزیراعلیٰ کو ڈی نوٹیفائی کرنےکا حکم واپس لینےکا نوٹیفکیشن جاری کردیا
12 جنوری ، 2023
گورنر پنجاب بلیغ الرحمان نے وزیراعلیٰ چوہدری پرویز الہٰی کے اعتماد کے ووٹ کو تسلیم کرتے ہوئے ڈی نوٹیفائی کرنےکا حکم واپس لینےکا نوٹیفکیشن جاری کردیا۔
گورنر پنجاب کی جانب سے جاری نوٹیفکیشن میں کہا گیا ہےکہ اسپیکرپنجاب اسمبلی نے اعتماد کے ووٹ کے حکم کی تکیمل کرکے رپورٹ بھیج دی ہے، اس لیے وزیراعلیٰ کو ڈی نوٹیفائی کرنےکا حکم واپس لیا جارہا ہے۔
خیال رہے کہ آج لاہور ہائی کورٹ میں سماعت کے دوران گورنر پنجاب کے وکیل منصور عثمان نے دلائل دیتے ہوئےکہا تھا کہ گورنر سے رابطہ ہوگیا ہے اورگورنر نے اعتماد کے ووٹ کی تصدیق کر دی ہے، گورنر پنجاب نے وزیراعلیٰ کو ڈی نوٹیفائی کرنے کا حکم واپس لے لیا ہے۔
