06 اگست ، 2023 
افغانستان نے پاکستان کیخلاف ون ڈے سیریز کیلئے کرکٹ ٹیم کا اعلان کردیا
06 اگست ، 2023
افغانستان کرکٹ بورڈ نے پاکستان کے خلاف ون ڈے سیریز کے لیے کرکٹ ٹیم کا اعلان کردیا۔
پاکستان اور افغانستان کے درمیان تین ون ڈے میچز 22 سے 26 اگست تک سری لنکا میں ہوں گے۔
افغانستان کرکٹ ٹیم کی قیادت حشمت اللہ شہیدی کریں گے جبکہ راشد خان بھی اسکواڈ کا حصہ ہوں گے۔
اس کے علاوہ اسکواڈ میں محمد نبی، نجیب اللہ زدران، رحمان اللہ گرباز، اکرام علی خیل، ابراہیم زدران، ریاض حسن، رحمت شاہ، عظمت اللہ عمر زئی اور نور احمد اور مجیب الرحمٰن، فضل حق فاروقی، عبدالرحمان ، محمد سلیم صافی اور وفادار مومند اسکواڈ میں شامل ہیں۔
پاکستان افغانستان کے درمیان تین ون ڈے میچز کی سیریز کا پہلا میچ 22 اگست کو سری لنکا کےضلع ہمبنٹوٹا میں کھیلا جائے گا جبکہ سیریز کو دوسرا میچ 24 اور تیسرا میچ 26 اگست کو کولمبو میں کھیلا جائے گا۔
