07 اگست ، 2023 
پاکستان کرکٹ ٹیم کی فیلڈنگ بہتر ہو رہی ہے: جیولین فونٹین
07 اگست ، 2023
پاکستان کرکٹ ٹیم کے سابق فیلڈنگ کوچ جیولین فونٹین کا کہنا ہے کہ پاکستان کرکٹ ٹیم کی فیلڈنگ بہتری کی طرف جا رہی ہے جو کہ گیم کا تقاضا بھی ہے۔
جیولین فونٹین ان دنوں انڈر 13کو چنگ کیمپ کے لیے لاہور میں موجود ہیں، وہ 2012 سے 2014 تک پاکستان کرکٹ ٹیم کے فیلڈنگ کوچ رہے ہیں۔
جیو نیوز سے گفتگو کرتے جیولین فونٹین کا کہنا تھا پاتھ وے پروگرام کو باقاعدگی سے کرنا ایک اچھا آئیڈیا ہے،کم عمر ی میں کھلاڑیوں کو معلومات ملنا مفید ہوتا ہے اور ایج گروپ کھلاڑیوں کو غیر ملکی اور مقامی کوچز سے یہ معلومات مل رہی ہیں۔
پاکستان کرکٹرز کا عمومی رویہ شاندار ہے، ان میں اچھی ایتھیلیٹک قابلیت ہے: جیولین فونٹین
جیو لین فونٹین کا کہنا ہے کہ پاکستان کرکٹ ٹیم کی فیلڈنگ بہتری کی جانب جا رہی ہے، گیم تقاضا کرتی ہے کہ بہتری آئے اور پاکستان ٹیم خود کو بہتر کر رہی ہے۔
انھوں نے کہا کہ پاکستان کرکٹرز کا عمومی رویہ شاندار ہے، ان میں اچھی ایتھیلیٹک قابلیت ہے۔
جیولین فونٹین کا ماننا ہے کہ فیلڈنگ کی مہارت کم عمر میں حاصل کرنے کی ضرورت ہے، 21 یا 22 سال کی عمر میں یہ مہارت حاصل کرنا مشکل ہوتا ہے، ایج گروپ میں مہارت حاصل کریں جو پھر انڈر 19، پاکستان شاہینز اور پاکستان ٹیم میں آکر مزید بہتر ہو۔
