21 جنوری ، 2024 
کراچی کے بڑے سرکاری اسپتالوں سے سی ٹی اسکین کیلئے لگائے جانے والا انجیکشن غائب
21 جنوری ، 2024
کراچی کے بڑے سرکاری اسپتالوں میں سی ٹی اسکین کیلئے لگائے جانے والا انجیکشن دستیاب نہیں ہے۔
ذرائع کے مطابق سی ٹی اسکین کے لیے مریضوں کو کانٹراسٹ انجیکشن لگایا جاتا ہے جو ڈاؤ اوجھا کیمپس، سول اور جناح اسپتال میں نہیں مل رہا۔
ذرائع نے بتایا کہ اسپتال مریضوں کو سی ٹی اسکین کیلئے انجیکشن باہر سے لانے کی ہدایت کر رہے ہیں اور مارکیٹ میں کانٹراسٹ انجیکشن زائد قیمت پر فروخت ہو رہا ہے اور 3 سے 4 ہزار روپے میں ملنے والا انجیکشن 8 ہزار روپے کا مل رہا ہے۔
اسپتال انتظامیہ کے مطابق درآمد میں کمی کے باعث انجیکشن کی قلت ہے، جلد مسلئے کو حل کرنے کی کوشش کر رہے ہیں۔
دوسری جانب نگران وزیر صحت سندھ ڈاکٹر سعد خالد نیاز اسپتالوں میں کانٹراسٹ انجیکشن کی قلت سے ناواقف نظر آئے۔
جیونیوز سے گفتگو کرتے ہوئے ڈاکٹر سعد خالد نیاز نے کہا کہ متعدد سرکاری اسپتالوں میں کانٹراسٹ انجیکشن کی کمی کا علم نہیں، اگر کانٹراسٹ انجیکشن دستیاب نہیں تو یہ سنجیدہ صورتحال ہے، جلد کانٹراسٹ انجیکشن سے متعلق تفصیلات لوں گا۔
مزید خبریں :
کیا زیادہ پانی پینے سے صحت کو فائدہ ہوتا ہے؟
9 گھنٹے پہلے
چینی سائنسدانوں کی اہم پیشرفت، بڑھاپا ماضی کا قصہ بننے کے قریب
22 دسمبر ، 2024
توند کی چربی گھلانے کے لیے ہر ہفتے کتنی ورزش کرنی چاہیے؟
20 دسمبر ، 2024
آپ کی وہ عام عادت جو گردوں کے تکلیف دہ امراض کا شکار بنادیتی ہے
20 دسمبر ، 2024
ڈپریشن جیسے عام مرض سے بچنے کا آسان ترین طریقہ
17 دسمبر ، 2024
