اللہ ان سے محبت کرتا ہے جو حسینؓ سے محبت کرتے ہیں: حنا خان کا یوم عاشور پر پیغام

بھارتی اداکارہ حنا خان نے عراق کے شہر نجف جانے کی خواہش کا اظہار کردیا۔

نواسہ رسولؐ حضرت امام حسین رضی اللہ تعالیٰ عنہ اور ان کے جانثاروں کی عظیم قربانی کی یاد میں آج دنیا بھر میں عاشورہ محرم کے جلوس نکالے جا رہے ہیں۔

ایسے میں اداکارہ حنا خان نے بھی یوم عاشور کے موقع پر نواسہ رسولؐ حضرت امام حسین رضی اللہ تعالیٰ عنہ سے اپنی محبت کا اظہار کرتے ہوئے انسٹاگرام پر ایک اسٹوری شیئر کی۔

اداکارہ نے اپنی اسٹوری میں مزار کے اندرونی حصے کی ویڈیو شیئر کی اور ساتھ ہی یا حسین! اللہ کا شیر لکھا۔

اداکارہ نے اپنی اسٹوری پر مزید لکھا کہ اللہ ان سے محبت کرتا ہے جو حسینؓ سے محبت کرتے ہیں، میرا دل چاہتا ہے میں ابھی نجف جاؤ۔

واضح رہے کہ حنا خان نے حال ہی میں چھاتی کے سرطان میں مبتلا ہونے کا انکشاف کیا اور بتایا کہ انہیں اسٹیج 3 کے کینسر کی تشخیص ہوئی ہے جس کے بعد سوشل میڈیا پر وہ اپنی صحت اور علاج سے متعلق معلومات شیئر کرتی رہتی ہیں۔

ویڈیو: اداکارہ حنا خان نے پہلی کیموتھراپی کے بعد دوبارہ شوٹنگ شروع کر دی

اداکارہ نے انسٹاگرام پر ایک نئی ویڈیو شیئر کی ہے جس میں انہوں نے پہلی کیموتھراپی کے بعد دوبارہ سے اپنی شوٹنگ کا سلسلہ شروع کرنے کے حوالے سے بتایا

'مسلسل تکلیف میں ہوں'، کیموتھراپی کے بعد کام شروع کرنے پر تنقید، حنا خان کا ردعمل سامنے آگیا

حنا خان نے ممبئی کے کوکیلا بین اسپتال کی جانب سے ان کے لیے بھیجا گیا نوٹ بھی اسٹوری پر شیئر کیا