برطانوی وزیراعظم سر کئیر اسٹارمر کو 2019 سے ابتک کتنی مالیت کے تحائف ملے؟

برطانیہ کے وزیراعظم سر کئیر اسٹارمر نے 2019 سے ابتک ایک لاکھ پاؤنڈز سے زیادہ مالیت کے تحائف اور فوائد ڈکلیئر کردیے، یہ رقم کسی بھی برطانوی رکن پارلیمنٹ کی جانب سے ظاہر کی گئی رقم سے زیادہ ہے۔

کئیر اسٹارمر اپریل 2020 سے لیبر پارٹی کے رکن پارلیمنٹ ہیں، جولائی میں انہوں نے اقتدار حاصل کیا تھا، انہیں اس بات پر شدید تنقید کا سامنا ہے کہ انہوں نے ایک امیر کاروباری شخصیت سے ہزاروں پاؤنڈ مالیت کے کپڑے تحفے میں لیے تھے۔

اہلیہ کو تحفے میں ملے کپڑے ڈکلیئر نہ کرنے پر برطانوی وزیراعظم کیخلاف تحقیقات کا آغاز

کیئر ا سٹارمر نے اہلیہ کو تحفے میں ملنے والے کپڑوں اور عینک سمیت دیگر معلومات فراہم نہیں کیں

تاہم برطانوی وزیراعظم کا کہنا ہے کہ انہوں نے کسی قانون کی خلاف ورزی نہیں کی اور تمام تحائف ظاہر کیے ہیں۔

برطانوی میڈیا کا دعویٰ ہے کہ اسٹارمر نے 2019 سے ابتک 1 لاکھ 7 ہزار 145 پاؤنڈ مالیت کے تحائف لیے ہیں۔

تحائف میں ساڑھے 12 ہزار پاؤنڈ مالیت کے پریمئیر لیگ کے ٹکٹ بھی شامل ہیں جو کہ ریگولیشن سے متعلق وزیراعظم کے منصوبے کیخلاف لابنگ میں مصروف ہے۔

اسٹارمر کے بعد سب سے زیادہ تحائف لینے والی لوسی پاؤل ہیں جنہوں نے 40 ہزار 289 پاؤنڈ کے تحائف لیے۔