22 فروری ، 2013 
میٹروول سائٹ اور پاک کالونی میں رینجرز کا ٹارگٹڈ آپریشن،11 افراد گرفتار
22 فروری ، 2013
کراچی…کراچی کے علاقوں میٹروول سائٹ اورنگی ٹاؤن اور پاک کالونی پرانا گولیمار میں رینجرز کے ٹارگٹڈ آپریشن کے دوران 11 افراد کو گرفتار کرکے مختلف قسم کے 47 ہتھیار برآمد کرلیے۔ تفصیلات کے مطابق آپریشن صبح 6 بجے سے 9 بجے تک جاری رہا جس کے دوران میٹروول سائٹ اورنگی ٹاؤن سے 6 افراد کو گرفتار کرکیا گیا ، جن کے قبضے سے 40 ہتھیار برآمد کیے گئے جبکہ پاک کالونی پرانا گولیمار میں کارروائی کے دوران 5 افراد کو گرفتار کرکے 7 ہتھیار برآمد کرلیے گئے۔ گرفتار افراد میں سیاسی جماعتوں کے کارکن بھی شامل ہیں، برآمد کیے گئے ہتھیاروں میں لائسنس اسلحہ بھی شامل جسے معائنے اور تفتیش کیلئے قبضے میں لیا گیا ہے۔ واضح رہے کہ سپریم کورٹ کی جانب سے سختی اوربازپرس کے بعد یہ کارروائیاں عمل میں آئی ہیں۔
