30 دسمبر ، 2024 
بھارتی اداکار کی لاش ہوٹل کے کمرے سے برآمد، تحقیقات شروع
30 دسمبر ، 2024
بھارت کی ملیالم شوبز انڈسٹری سے تعلق رکھنے والے اداکار دلیپ شنکر ہوٹل کے کمرے میں مردہ پائے گئے۔
بھارتی میڈیا کی رپورٹ کے مطابق دلیپ شنکر کی لاش اتوار کو ریاست کیرالہ کے شہر Thiruvananthapuramکے ایک ہوٹل کے کمرے سے برآمد ہوئی۔
رپورٹ میں بتایا گیا ہے کہ دلیپ نے 19 دسمبر کو ہوٹل میں چیک ان کیا تھا اور قیام کے دوران وہ ایک بار بھی کمرہ چھوڑ کر باہر نہیں گئے۔
رپورٹ کے مطابق دلیپ شنکر کے ساتھی اداکاروں نے انہیں فون کیا لیکن رابطہ نہ ہونے پر وہ اتوار کو ہوٹل پہنچے اور عملے سے کہا کہ وہ دلیپ کے کمرے کو کھولیں، جب کمرہ کھولا گیا تو اداکار وہاں مردہ پائے گئے۔
رپورٹس کے مطابق دلیپ شنکر ایک ٹیلی ویژن سیریز کی شوٹنگ کے لیے شہر میں موجود تھے۔
شو کے ڈائریکٹر نے پولیس کو بتایا کہ دلیپ کسی سنگین بیماری میں مبتلا تھے، اگرچہ بیماری کی نوعیت معلوم نہیں ہے، لیکن اندازہ ہوا تھا کہ وہ اس بیماری کا علاج کروا رہے تھے۔
پولیس نے تحقیات شروع کردی ہے ، البتہ ابتدائی تحقیقات کے مطابق اداکار کی موت میں کوئی غیر معمولی عنصر شامل نہیں ہے۔
پولیس کا کہنا ہے کہ فی الحال کسی قسم کی سازش یا غیر فطری عوامل کے آثار نظر نہیں آتے۔ موت کی اصل وجہ پوسٹ مارٹم کے بعد معلوم ہوگی۔
