01 اپریل ، 2025 
پاکستان
حادثے میں جاں بحق ہونے والے افراد کا تعلق کراچی سے ہے : پولیس/فوٹوفائل
ٹنڈوالہ یار : تیز رفتار کار نصیر کینال میں جاگری ، 4 افراد جاں بحق
01 اپریل ، 2025
صوبہ سندھ کے ضلع ٹنڈو الہ یار میں کار تیز رفتاری کے باعث نصیر کینال میں گر گئی جس کے نتیجے میں 4 افراد جاں بحق ہوگئے۔
پولیس کے مطابق حادثہ ٹنڈو الہ یار بائی پاس کے مقام پر پیش آیا جہاں تیز رفتار کار نصیر کینال میں جا گری جس کے نتیجے میں کار میں سوار چاروں افراد ڈوب کر جاں بحق ہوگئے۔
پولیس نے تصدیق کی ہے کہ کار تیز رفتاری کےباعث نصیر کینال میں گری جبکہ مرنے والوں کا تعلق کراچی سے ہے۔
مزید برآں پولیس نے میتیں کراچی منتقل کردی ہیں جبکہ مزید کارروائی کی جارہی ہے۔
