23 اکتوبر ، 2014 
دبئی ٹیسٹ ،پاکستان پہلی اننگز میں454رنز پر آئوٹ
23 اکتوبر ، 2014
دبئی .......دبئی ٹیسٹ کے دوسرے دن پاکستان اپنی پہلی اننگ میں454رنزبناکر آئوٹ ہو گئی،پاکستانی اننگ کی خاصسرفراز احمد اور یونس خان کی سنچریاں اور کپتان مصباح الحق 69اوراسد شفیق89رنز کی اننگز تھیں۔آسٹریلیا کی جانب سے مچل جانسن نے تین،اسٹیو او کیف اور ناتھن لیون نے دو ،دو وکٹیں حاصل کیں۔میچ کے دوسرے دن پاکستان نے 219 رنز چار کھلاڑی آوٹ سے اننگز آگے بڑھائی،مصباح الحق 69 رنز بناکر آئوٹ ہوگئے ،چھٹی وکٹ پر اسد شفیق اور سرفراز احمد نے 124 رنز بناکر ٹیم کی پوزیشن مستحکم بنادی ،اسد شفیق 89 رنز بناکر آئوٹ ہوئے ،لیکن دوسرے اینڈ سے سرفراز احمد نے صرف 80 گیندوں پر سنچری بنا ئی ، انہوں نے پاکستان کی جانب سے چوتھی تیز ترین سنچری اسکور کی،وہ 109 رنز بناکر آئوٹ ہوئے،یوں پاکستان454رنز کا اچھا مجموعہ ترتیب دینے میں کامیاب رہا۔
