میرپورخاص میں برف خانے کے مالک کو لفافے میں پستول کی گولی اور دس لاکھ روپے بھتے کی پرچی ملنے کے بعد تاجروں میں خوف پھیل گیا ہے۔

میرپورخاص پریس کلب میں میڈیا کے نمائندوں سے گفتگو کرتے ہوئے برف خانے کے مالک جاوید اقبال کا کہنا تھا کہ اس کے کارخانے کے دروازے پر لفافہ ملا، کھولا تو اس میں دس لاکھ روپے بھتے کی پرچی اور پستول کی گولی ملی۔

دوسری جانب پولیس کا کہنا ہے کہ انہیں شکایت ملی ہے، تفتیش کی جارہی ہے، جلد حقائق تک پہنچ جائیں گے۔