20 مارچ ، 2022 
شین وارن کی آخری رسومات، بچوں کے والد کی میت کو چومنے کے جذباتی مناظر
20 مارچ ، 2022
مایہ ناز لیگ اسپنر شین وارن کی آخری رسومات آسٹریلیا کے شہر میلبرن میں ادا کر دی گئیں۔
غیر ملکی خبر رساں ادارے کے مطابق شین وارن کی آخری رسومات میں ان کے تین بچوں، والدین، سابق کرکٹرز مارک ٹیلر ایلن بارڈر اور انگلینڈ کے سابق کپتان مائیکل وان سمیت قریبی دوست احباب نے بھی شرکت کی۔
شین وارن کی آخری رسومات میلبرن کے ایس ٹی کلڈا نامی فٹ بال کلب میں ادا کی گئیں جس کے لیے لیجنڈ اسپنر کی میت تابوت میں لائی گئی۔
وائرل تصاویر میں شین وارن کے بیٹے اور بیٹی کو والد کا تابوت چومتے جبکہ دوسری بیٹی کو میت کے پاس آنسو بہاتے دیکھا جاسکتا ہے۔
یاد رہے کہ شین وارن تھائی لینڈ کے علاقےکو ساموی میں ایک وِلا میں مردہ حالت میں پائےگئے تھے، ان کے ترجمان کا کہناتھا کہ شین وارن کا انتقال حرکت قلب بند ہونے کی وجہ سے ہوا، میڈیکل ٹیم نے انہیں بچانے کی پوری کوشش کی لیکن وہ جانبر نہ ہوسکے۔
مزید خبریں :
شاہد اسلم قومی کرکٹ ٹیم کے بیٹنگ کوچ مقرر
3 گھنٹے پہلے
چیمپیئنز ٹرافی کی رونمائی آج نتیھا گلی میں ہوگی
6 گھنٹے پہلے
کراچی کے ہوٹل میں آگ لگنے کے باعث ویمنز نیشنل ون ڈے کپ ملتوی
18 نومبر ، 2024
