جنرل اسپتال کی عمارت سے چھلانگ لگانے والی خاتون کیلئے 48 گھنٹے اہم قرار

لاہور: جنرل اسپتال کی دوسری منزل سے چھلانگ لگانے والی خاتون کے لیے ڈاکٹرز نے 48 گھنٹے انتہائی اہم قرار دیے ہیں۔

اسپتال انتظامیہ کے مطابق متاثرہ خاتون کا دماغ صحیح طور پر کام نہیں کر رہا ہے، خاتون اب تک وینٹی لیٹر پر ہیں اور ان کیلئے 48گھنٹےانتہائی اہم ہیں۔

لاہور میں خاتون نے تیسری بیٹی کی پیدائش پر اسپتال کی عمارت سے چھلانگ لگا دی

خاتون نے لیبر روم کے واش روم کی کھڑکی سے نیچے چھلانگ لگائی جس کے باعث وہ بری طرح زخمی ہوگئیں: اسپتال انتظامیہ

اسپتال انتظامیہ کا بتانا ہےکہ خاتون کا تعلق قصور سے ہے جن کے ہاں 2 روز قبل تیسری بیٹی کی پیدائش ہوئی تھی۔

 اسپتال انتظامیہ کے مطابق قصور میں آپریشن کے بعد خاتون کی طبیعت بگڑ گئی تھی جس پر خاتون کو گزشتہ روز قصور سے لاہور کے جنرل اسپتال منتقل کیا گیا تھا جہاں خاتون کا دوبارہ آپریشن کیا گیا تھا۔

اسپتال انتظامیہ نے مزید بتایا کہ خاتون نے گزشتہ روز لیبر روم کے واش روم سےچھلانگ لگائی تھی جس کے بعد وہ بری طرح زخمی ہوگئی تھیں اور انہیں  وینٹی لیٹر پر منتقل کیا گیا تھا۔