24 مارچ ، 2024 
کراچی بلال کالونی میں ڈکیتوں نے مزاحمت پر نوجوان کی جان لے لی
24 مارچ ، 2024
کراچی کے علاقے نارتھ کراچی کی بلال کالونی میں ڈکیتوں نے مزاحمت پر نوجوان کی جان لے لی۔
سپرنٹنڈنٹ آف پولیس فیصل نور کے مطابق واقعہ ڈکیتی کے دوران مزاحمت پر پیش آیا اور دو ملزمان عبدالرحمان کے برابر والی دکان میں واردات کرکے فرار ہونے لگے تو عبد الرحمان نے انہیں پکڑنے کی کوشش کی جس پر ملزمان نے اس پر فائرنگ کردی۔
انہوں نے کہا کہ فائرنگ کے نتیجے میں 24 سالہ عبد الرحمان جاں بحق ہوگیا اور مقتول لیاری کا رہائشی تھا۔
ان کا کہنا تھاکہ واقعے سے متعلق مزید تحقیقات کا آغاز کردیا گیا ہے۔
دوسری جانب مقتول کے بھائی کا کہنا تھاکہ عبدالرحمان کی عمر 24 سال تھی، ظالموں نے ہمارابھائی چھین لیا، جب تک قاتل گرفتار نہیں کیے جائیں گے ہم تدفین نہیں کریں گے۔
انہوں نے اعلیٰ حکام سے اپیل کی کہ قاتلوں کو فوری گرفتار کیا جائے۔
مزید خبریں :
مردان میں فائرنگ سے میاں، بیوی اور بیٹا قتل
3 گھنٹے پہلے
’بچے بہت چیختے تھے‘، ماں نے جڑواں بچوں کے گلے کاٹ کر قتل کر ڈالا
20 دسمبر ، 2024
