ایران میں صدارتی انتخابات کے دوسرے مرحلے میں ووٹنگ جاری

ایران میں صدارتی انتخابات کے دوسرے مرحلے میں ووٹنگ کا سلسلہ جاری ہے۔

دوسرے مرحلے میں مسعود پزشکیان اور سعید جلیلی کے درمیان سخت مقابلہ متوقع ہے۔

ایرانی میڈیا کے مطابق  صدارتی انتخابات کے لیے  ووٹنگ کے وقت میں اضافہ کردیا گیا  ہے اور  ایرانی وقت کے مطابق شام 6 بجےختم ہونے والی ووٹنگ اب 8 بجےختم ہوگی۔

صدارتی انتخابات کے حتمی نتائج کا اعلان ہفتے کے روز  کیا جائے گا۔

ایران کے سپریم لیڈر آیت اللہ خامنہ ای نے بھی اپنا ووٹ کاسٹ کردیا ہے، مقامی میڈیا سے بات کرتے ہوئے انہوں نےکہا کہ سنا ہے لوگوں کا جوش اور دلچسپی پہلے مرحلے کے مقابلے میں زیادہ ہے، خدا کرے کہ یہ اسی طرح ہو کیونکہ یہ خوش کن خبر ہوگی۔

ایرانی صدارتی انتخابات کے پہلے مرحلے میں چار میں سے کوئی بھی امیدوار 50 فیصد سے زیادہ ووٹ نہیں لے سکا تھا۔

28 جون کو ہونے والے پہلے مرحلے میں ووٹنگ ٹرن آؤٹ 40 فیصد رہا تھا جو 1979 کے بعد سے سب سے کم ٹرن آؤٹ تھا۔

مئی میں ایرانی صدر ابراہیم رئیسی کی ہیلی کاپٹر حادثے میں وفات کی وجہ سے ایران میں قبل از وقت صدارتی انتخابات ہو رہے ہیں۔

ایران کےعبوری صدر نے 28 جون کو صدارتی انتخاب کا اعلان کردیا

صدارتی امیدواروں کی رجسٹریشن 30 مئی سے 3 جون تک ہوگی جبکہ صدارتی انتخابات کی مہم 12 سے27 جون تک چلائی جائے گی

ایران کے صدارتی الیکشن میں کوئی امیدوار مطلوبہ اکثریت حاصل نہ کرسکا، دوبارہ الیکشن ہوں گے

28 جون کو ہونے والے صدارتی انتخابات میں ووٹر ٹرن آؤٹ 40 فیصد رہا، ایرانی الیکشن کمیشن