20 ستمبر ، 2024
برطانیہ کے شہر ویلز سے تعلق رکھنے والا شخص دو فروزن برگرز کو الگ کرنے کی کوشش کے دوران حادثاتی طور پر پیٹ میں چھری لگنے سے چل بسا۔
بین الاقوانی خبر رساں ادارے کے مطابق یہ واقعہ بیری گریفتھس نامی شخص کے ساتھ پیش آیا، 57 سالہ شخص جو اکیلا رہتا تھا مرنے کے کئی روز بعد اس کی لاش بیڈ پر پائی گئی۔
رپورٹس کے مطابق تفتیش کے دوران پولیس کو اس کے کچن میں ایک چاقو اور دو منجمد برگر ملے، جس کی تحقیقات کی گئیں تو پتہ چلا کہ بیری کا ایک ہاتھ فالج کی وجہ سے کام نہیں کرتا تھا۔
جب کہ وہ اپنے دوسرے ہاتھ سے برگرز الگ کرنے کی کوشش کرتا رہا جس سے چھری اس کے پیٹ میں لگ گئی اور وہ بری طرح زخمی ہوگیا اور بہت زیادہ خون بہنے کی وجہ سے اس کی جان چلی گئی۔
رپورٹ کے مطابق یہ واقعہ گزشتہ برس پیش آیا تھا اور بیری گریفتھس کی لاش جولائی میں پولیس اہلکاروں کو اس کے گھر سے ملی تھی۔