مارکسی نظریے کے حامی انورا کمارا سری لنکا کے نئے صدر منتخب

سرمایہ دارانہ نظام کے خاتمہ پر مبنی مارکسی نظریے کے حامی انورا کمارا سری لنکا کے نئے صدر منتخب ہوگئے۔

انورا کمارا نے انتخابات میں اپنے مدمقابل اپوزیشن رہنما ساجیت پریما داسا کو شکست دی۔ 

انتخابات میں فتح کے بعد انورا کمارا کا کہنا تھا ترقی و استحکام کے  ہمارے خواب نئی شروعات سے پورے ہوں گے اور سنہالیوں، تاملوں، مسلمانوں اور تمام سری لنکن شہریوں کا اتحاد ہی نئی شروعات کی بنیاد ہے۔ 

خیال رہے کہ سری لنکا میں 2022 کے بدترین معاشی بحران کے بعد پہلے صدارتی انتخابات گزشتہ روز ہوئے تھے۔ 

انتخابات میں کسی امیدوار کی جانب سے 50 فیصد ووٹ حاصل نہ کرنے پر صدر کا انتخاب ترجیحی ووٹوں کی گنتی سے کیا گیا تھا، سری لنکا کے موجودہ صدر  رانیل وکرما سنگھے ووٹوں کی پہلی گنتی میں مقابلے سے باہر ہوگئے تھے۔

سری لنکا صدارتی الیکشن:کوئی امیدوار 50 فیصد ووٹ حاصل نہ کرسکا

ووٹوں کی گنتی کے دوسرے مرحلے کا آغاز ہوگیا، ان ووٹوں کو گنا جائے گا جن میں ووٹرز نے امیدواروں کو پہلی، دوسری یا تیسری ترجیح کے طور پر چنا ہے

سری لنکا میں معاشی بحران کے بعد پہلے صدارتی انتخابات کیلئے پولنگ مکمل، ووٹوں کی گنتی جاری

صدارتی انتخابات کیلئے 38 امیدوار میدان میں ہیں جن میں صدر رانیل وکرما سنگھے، اپوزیشن رہنما سازتھ پریم داسا اور بائیں بازو کے رہنما انورا کمارا دسانائکے کے درمیان سخت مقابلہ متوقع ہے