شمالی کوریا نے جنوبی کوریا کی سرحد پر سڑکیں اور ریلوے لائنز دھماکے سے تباہ کردیں

شمالی کوریا اور جنوبی کوریا کے درمیان تناؤ میں شدت آرہی ہے۔

غیر ملکی میڈیا کے مطابق شمالی کوریا نے منگل کے روز سرحد کے اطراف میں کوریائی سڑکوں اور ریلوے لائنوں کے کچھ حصوں کو دھماکے سے اڑا دیا۔

میڈیا رپورٹس کے مطابق شمالی کوریا کے اس اقدام پر جنوبی کوریا کی فوج کی جانب سے بھی جوابی فائرنگ کی گئی۔

جنوبی کوریا نے سڑکیں اور ریلوے لائنوں کو تباہ کرنے کی شدید مذمت کرتے ہوئے کہا کہ سڑکیں اور ریلوے لائن تباہ کرنا بین الکوریائی معاہدوں کی خلاف ورزی ہے۔

اس حوالے سے سرحد پار امور سنبھالنے والی وزارت کے ترجمان نے کہا یہ افسوسناک ہے کہ شمالی کوریا بار بار اس طرح کا رجعت پسندانہ رویہ اختیار کررہا ہے۔

شمالی کوریا کا جنوبی کوریا سے بذریعہ ریل اور سڑک رابطہ مکمل منقطع کرنے کا فیصلہ

شمالی کورین فوج نے رابطے مکمل طور پر منقطع کرنے کی وجہ جنوبی کوریا میں ہونے والی جنگی مشقوں کو قرار دیا

شمالی کوریا نے ایک بار پھر کچرے سے بھرے تھیلے غباروں سے باندھ کر جنوبی کوریا میں گرا دیے

ماضی میں جنوبی کوریا اکثر غباروں اور ڈرونز کے ذریعے پروپیگنڈا پمفلٹ، کھانے اور ادویات شمالی کوریا میں بھیجتا رہتا ہے۔