اسرائیل میں کہیں بھی حملہ کرسکتے ہیں: حزب اللہ قائم مقام سربراہ

لبنان کی مزاحمتی تنظیم حزب اللہ کا کہنا ہے کہ ہمارے حملوں سے اسرائیل کو تکلیف پہنچے گی  اور ہم اسرائیل میں کہیں بھی حملہ کرنے کا حق محفوظ رکھتے ہیں کیونکہ دشمن نے لبنان میں ایسا ہی کیا ہے۔

اسرائیلی حملوں میں حزب اللہ کے سربراہ حسن نصراللہ اور دیگر کمانڈرز کی شہادت کے بعد سے حزب اللہ اور اسرائیل کے درمیان جنگ میں مزید شدت آگئی ہے۔

حزب اللہ کے قائم مقام سربراہ نعیم قاسم نے کہا کہ حزب اللہ  اسرائیل کو تکلیف پہنچائے گا  تاہم انہوں نے جنوبی لبنان میں تنازع کے باعث جنگ بندی کا مطالبہ بھی کیا۔

انہوں نے کہا کہ حل جنگ بندی ہے، ہم کمزوری کی پوزیشن سے بات نہیں کررہے، اگر اسرائیلی ایسا نہیں چاہتے تو ہم جنگ جاری رکھیں گے لیکن بالواسطہ معاہدے کے تحت جنگ بندی کے بعد آباد کار شمال کی طرف واپس جائیں گے اور دیگر اقدامات کیے جائیں گے۔

نعیم قاسم کا کہنا تھا کہ حزب اللہ اسرائیل میں کہیں بھی حملہ کرنے کا حق محفوظ رکھتی ہے کیونکہ اس کے دشمن نے لبنان میں ایسا ہی کیا ہے، حملوں سے مزید اسرائیلی بے گھر ہو جائیں گے اور سیکڑوں ہزاروں، یہاں تک کہ 20 لاکھ سے زیادہ، کسی بھی وقت، کسی بھی دن خطرے میں ہوں گے، ہم اسرائیلی فوج اور اس کے مراکز اور بیرکوں کو نشانہ بنانے پر توجہ دیں گے۔

دوسری جانب میڈیا رپورٹس میں بتایا گیا ہے کہ اسرائیل کے  وزیر اعظم نیتن یاہو نے کہا کہ اسرائیل بیروت سمیت لبنان میں ہر جگہ حزب اللہ پر بغیر کسی رحم کے حملے جاری رکھے گا۔

اسرائیلی فوج حزب اللہ کا ڈرون کیوں نہ گرا سکی؟ حیران کن انکشاف سامنے آگیا

حزب اللہ کی جانب سے بھیجے گئے دو ڈرونز ممکنہ طور پر صیاد 107 ماڈل کے تھے جو سمندر کی طرف سے اسرائیل میں داخل ہوئے

حزب اللہ نے اسرائیل پر حملے تیز کردیے، میزائل حملوں میں صیہونی فوجیوں کے مرنے کی اطلاعات

اسرائیلی فوج نے بھی حزب اللہ کا میزائل مار گرانے کا دعویٰ کیا ہے