ابلے ہوئے انڈوں کو چھیلنے کے 4 آسان ترین طریقے

ابلے ہوئے انڈے کو ہاتھ میں پکڑنا ہی کافی مشکل لگتا ہے یا کم از کم اسے چھیلنا تو بہت مشکل لگتا ہے۔

ویسے تو ہاتھ سے انڈے کو چھیلتے وقت اس کے پچک جانے سے کوئی اثر نہیں پڑتا مگر وہ دیکھنے میں کچھ زیادہ اچھا نہیں لگتا۔

اچھی بات یہ ہے کہ صرف ہاتھوں سے انڈے کو چھیلنا ہی واحد آپشن نہیں۔

ایسے چند آسان اور بہترین طریقے موجود ہیں جن سے انڈوں کو چھیلنے میں بہت کم وقت اور محنت لگتی ہے۔

انڈوں کی زردی کے مختلف رنگ ہونے کی اصل وجہ جانتے ہیں؟

انڈے کی زردی کئی رنگوں کی ہو سکتی ہے اور اس کی وجہ کافی دلچسپ ہے۔

برف سے مدد لیں

ابلے ہوئے انڈے کو برف میں ڈال دینے سے اسے چھیلنا زیادہ آسان ہو جاتا ہے۔

بس کچھ دیر کے لیے انڈے کو برف میں ملے پانی میں ڈبو کر رکھیں اور پھر نکال لیں۔

ٹھنڈے پانی سے انڈے ذرا سکڑ جاتے ہیں جس سے سفیدی اور چھلکے کے درمیان خلا بڑھ جاتا ہے جس سے انہیں چھیلنا آسان ہو جاتا ہے۔

پانی کے اندر چھیلنے کی کوشش کریں

انڈوں کو چھیلنے کے لیے پانی بھرا جگ بھی مددگار ثابت ہوسکتا ہے۔

جب آپ پانی کے اندر انڈے کو چھلکا کریک کرتے ہیں تو پانی اندر داخل ہو جاتا ہے جس سے انڈے کو چھلکے سے جوڑنے والی جھلی ڈھیلی ہو جاتی ہے۔

کیا دیسی انڈے فارمی انڈوں سے زیادہ بہتر ہوتے ہیں؟

بیشتر افراد کے خیال میں دیسی انڈے صحت کے لیے زیادہ مفید ہوتے ہیں مگر کیا یہ خیال واقعی درست ہے؟

کریک اور رول طریقہ کار

کریک اور رول (crack and roll) طریقہ کار سے بھی انڈوں کو چھیلنا آسان ہو اجاتا ہے۔

انڈے کو سخت سطح پر ٹکرا کر اس کے چھلکے کو کریک کریں اور پھر نرمی سے اپنے ہاتھ میں انڈے کو گھماکر اسے چھلکے سے باہر نکال لیں۔

چمچ سے مدد لیں

اپنے ہاتھوں کو گندا ہونے سے بچانا چاہتے ہیں تو ابلے ہوئے انڈے کا چھلکا کسی چمچ سے اتاریں۔

پہلے انڈے کے نچلے سرے کے چھلکے کو کریک کریں تاکہ چمچ کے لیے جگہ بن جائے۔

اس کے بعد وہاں چمچ کو انڈے اور چھلکے کے درمیان داخل کریں اور اسے چاروں طرف گھمائیں، جس کے بعد چھلکا آسانی سے اتر جائے گا۔