08 جنوری ، 2020 
'ہوپس' کے زیر اہتمام پانچویں ہیلتھ ایکسپو کا انعقاد
08 جنوری ، 2020
کراچی میڈیکل اینڈ ڈینٹل کالج (کے ایم ڈی سی) کے طلبہ کی فلاحی تنظیم 'ہوپس' کے زیر اہتمام 'پانچویں ہیلتھ ایکسپو' کا انعقاد کیا گیا جس میں طلبہ و طالبات کے ساتھ شہریوں نے بڑی تعداد میں شرکت کی۔
کراچی ایکسپو سینٹر میں منقعد کی جانے والی 'ہیلتھ ایکسپو' اس سلسلے کی پانچویں سالانہ نمائش تھی۔
طلبہ تنظیم کے مطابق اس سال ہونے والی 'ہیلتھ ایکسپو ' کا بنیادی مقصد لوگوں میں صحت مند زندگی گزارنے کے بنیادی اصولوں سے آگاہی فراہم کرنا تھا۔
نمائش میں شہر کے معروف اور تجربہ کار ڈاکٹروں ، طبی ماہرین اور دوائیں بنانے والی کمپنیوں کے نمائندوں نے عوام کو صحت و تندرستی کے عام اور سادہ طریقوں کے ساتھ بیماریوں سے بچاؤ کی تدابیر سے متعلق آگہی فراہم کی۔
نمائش میں ماہر ڈاکٹروں کو مدعو کیا گیا تھا تاکہ عوام اور معالج کے درمیان براہ راست مفت مشورے کو یقینی بنایا جا سکے۔
ہیلتھ ایکسپو میں عوام کی بڑی تعداد نے مفت میڈیکل چیک اپ اور بیماری سے متعلق مفید مشورے کے ساتھ خون کے تقریباً تمام ٹیسٹ مفت کروانے کی سہولت سے فائدہ اٹھایا۔
نمائش میں صحت سے متعلق پوسٹرز اور پینٹنگز بنانے کے مقابلے کے علاوہ ہیلتھ کیرئیر ورک شاپ کا انعقاد بھی کیا گیا۔
ہیلتھ ایکسپو میں مختلف دوا ساز کمپنیوں نے اپنے اسٹال بھی لگائے جہاں سے مریضوں کو دوائیں فراہم کی گئیں۔
میڈیکل کالج کے طلبہ کی جانب سے بنائی گئی یہ این جی او کراچی کے عباسی شہید اسپتال اور کراچی میڈیکل اینڈ ڈینٹل کالج کے علاوہ کئی مقامات پر عوام کو مفت ادویات فراہم کرتی ہے۔
مزید خبریں :
ناخنوں پر نشانات کن خطرناک بیماریوں میں مبتلا ہونے کا اشارہ ہیں؟
22 نومبر ، 2024
پاکستان میں مزید 2 بچے پولیو وائرس سے متاثر، تعداد 52 ہوگئی
22 نومبر ، 2024
سوئیڈن سگریٹ سے نجات پانے والا دنیا کا پہلا ملک بن گیا
21 نومبر ، 2024
رواں سال سندھ بھر میں ایچ آئی وی ایڈز کے مریضوں میں اضافہ
21 نومبر ، 2024
یورک ایسڈ کو کنٹرول کرنے والے بہترین مشروبات
21 نومبر ، 2024
ذیابیطس ٹائپ 2 جیسا مرض تیزی سے پھیلنے کی اہم وجہ دریافت
20 نومبر ، 2024
وہ عام عادت جس سے ہر عمر میں دماغ کو جوان رکھنے میں مدد ملتی ہے
20 نومبر ، 2024
