Can't connect right now! retry

فیس بک میسنجر پر کووڈ-19 چیٹ بوٹ لانچ کر دیا گیا

فوٹو: فائل

فیس بک نے واٹس ایپ کے بعد اب اپنے دوسرے مقبول ترین پلیٹ فارم  میسنجر  میں بھی عالمی ادارہ صحت (ڈبلیو ایچ او) کے تعاون سے کورونا وائرس کووڈ-19 چیٹ بوٹ کا آغاز کردیا گیا ہے۔

غیر ملکی خبر رساں ادارے کے مطابق ڈبلیو ایچ او میسنجر چیٹ بوٹ صارفین کو کووڈ-19 یعنی کورونا وائرس سے متعلق تمام تر تازہ ترین معلومات فراہم کرے گا اور افواہوں کو بھی ختم کرے گا۔

فوٹو: بشکریہ ہندوستان ٹائمز

ڈبلیو ایچ او ہیلتھ الرٹ انٹریکٹو سروس سے مستفید ہونے کے لیے صارفین کو عالمی ادارہ صحت کے آفیشل فیس بک پیج پر جانا ہوگا۔

بعد ازاں صارف کو پیج پر موجود سینڈ میسج کے آپشن پر کلک کرنا ہوگا جس سے میسنجر چیٹ بوٹ کھل جائے گا جس پر کورونا وائرس سے متعلق تمام تر معلومات میسر ہوگی۔

عالمی ادارہ صحت کے تعاون سے شروع کیا جانے والا یہ چیٹ بوٹ فی الحال انگریزی، ہسپانوی اور عربی زبان میں موجود ہے جس میں جلد ہی مزید زبانوں کو بھی شامل کیا جائے گا۔

خیال رہے کہ گزشتہ ماہ واٹس ایپ پر بھی اسی طرح کے چیٹ بوٹ کا آغاز کیا گیا تھا جب کہ عالمی ادارہ صحت کی جانب سے بھی کورونا وائرس کے حوالے سے تمام تر معلومات فراہم کرنے والی ایپ بھی متعارف کروائی جا چکی ہے۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM