سائنسدانوں نے سائنس فکشن کو حقیقت بناتے ہوئے معذور شخص کو چلنے کے قابل بنا دیا

سائنسدانوں نے سائنس فکشن کو حقیقت بناتے ہوئے ایک حادثے میں مفلوج ہونے والے شخص کو دوبارہ چلنے کے قابل بنا دیا ہے۔

40 سالہ گرٹ جان اوسکام 2011 میں ایک ٹریفک حادثے میں ریڑھ کی ہڈی متاثر ہونے کے باعث مفلوج ہو گئے تھے۔

تاہم ڈاکٹروں نے ایک ایسی ڈیوائس جسم میں نصب کی جس کی مدد سے ریڑھ کی ہڈی اور دماغ کے درمیان منقطع ہو جانے والا تعلق بحال ہوگیا۔

اس ڈیوائس کی بدولت وہ کھڑے ہونے، چلنے اور سیڑھیاں چڑھنے کے قابل ہوگئے ہیں۔

روزانہ ملٹی وٹامنز لینا بڑی عمر کے افراد میں یادداشت کو بہتر بناسکتا ہے: تحقیق

دی امریکن جرنل آف کلینیکل نیوٹریشن میں شائع ہونے والی ایک نئی تحقیق سے پتہ چلا کہ روزانہ ملٹی وٹامن سپلیمنٹ لینے سے بڑھتی عمر کے افراد میں بھولنے کی بیماری کم ہوسکتی ہے

جرنل نیچر میں اس حوالے سے ایک تحقیق کے نتائج شائع ہوئے۔

گرٹ جان اوسکام نے بتایا کہ وہ کئی بار 100 میٹر یا اس سے زائد فاصلے تک چہل قدمی کر چکے ہیں۔

جب یہ ڈیوائس بند ہوتی ہے تو بھی وہ بیساکھی کی مدد سے چلنے کے قابل ہوتے ہیں جس سے یہ امید پیدا ہوئی ہے کہ اس طرح کی ٹیکنالوجیز سے متاثرہ اعصابی افعال کی بحالی ممکن ہے۔

انہوں نے بتایا کہ 'میں خود کو ایک بچے جیسا محسوس کرتا ہوں جو چلنا سیکھ رہا ہے'۔

انہوں نے مزید بتایا کہ 'اگرچہ ابھی کافی طویل سفر باقی ہے مگر اب میں کھڑا ہو سکتا ہوں، یہ ایسی خوشی ہے جس کا احساس بیشتر افراد نہیں کر سکتے'۔

ایک سیب روزانہ کھانے کا یہ فائدہ آپ کو ضرور پسند آئے گا

ایک سیب روزانہ کھانے سے بڑھاپے میں نقاہت اور کمزوری جیسے مسائل کو دور رکھنے میں مدد مل سکتی ہے۔

2011 میں چین کے دورے کے دوران گرٹ جان اوسکام کی ریڑھ کی ہڈی ایک حادثے سے متاثر ہوئی تھی۔

اس کے 5 سال بعد وہ وہ ایک کلینیکل ٹرائل کا حصہ بنے جس کے تحت ایک ڈیوائس ان کی ریڑھ کی ہڈی میں نصب کی گئی جس کے بعد وہ سہارے سے چلنے کے قابل ہوگئے۔

اس تحقیق کا مقصد ریڑھ کی ہڈی اور دماغ کے درمیان منقطع ہو جانے والے تعلق کو بحال کرنا تھا۔

سوئس فیڈرل انسٹیٹیوٹ آف ٹیکنالوجی کی اس تحقیق میں شامل ماہرین نے بتایا کہ طویل عرصے تک جاری رہنے والی تحقیق سے بھی گرٹ جان اوسکام دلبرداشتہ نہیں ہوئے۔

بچوں کے ہاتھ میں اسمارٹ فون دینے سے ہونے والے بڑے نقصان کو جان لیں

یہ عادت بچوں کی ذہنی صحت کے لیے تباہ کن ثابت ہو سکتی ہے۔

انسانوں کے چلنے کے دوران دماغ ریڑھ کی ہڈی کے اعصاب کو احکامات بھیجتا ہے اور ان اعصاب کو نقصان پہنچنے سے لوگ معذور ہو جاتے ہیں۔

مگر اس نئی ڈیوائس سے دماغ اور ریڑھ کی ہڈی کے درمیان رابطہ بحال کرنے میں کامیابی حاصل کی گئی۔

یہ ڈیوائس دماغی احکامات کو سمجھنے کے چند منٹ لوگوں کو چلنے پھرنے میں مدد فراہم کرتی ہے۔

اس سے پہلے بھی 2022 میں ریڑھ کی ہڈی کے اعصاب کو متحرک کرکے ایک معذور شخص کو کسی حد تک چلنے میں مدد فراہم کی گئی تھی۔

دنیا بھر میں امراض قلب سے اموات کی شرح میں اضافے کا انکشاف

کم اور درمیانی فی کس آمدنی والے ممالک میں دل کی بیماریوں سے اموات میں زیادہ اضافہ ہوا ہے: ورلڈ ہارٹ فیڈریشن رپورٹ

مگر اس نئی تحقیق میں پہلی بار مریض کی اپنی دماغی سرگرمیوں کو استعمال کرکے ٹانگوں کی حرکت کو یقینی بنایا گیا۔

اس ڈیوائس کے لیے آرٹی فیشل انٹیلی جنس ٹیکنالوجی کو استعمال کیا گیا تاکہ دماغی احکامات پر عملدرآمد یقینی بنایا جاسکے۔