فیفا ویمنز ورلڈ کپ: انگلینڈ اور اسپین کے درمیان ٹائٹل کا حتمی معرکہ اتوار کو ہوگا

فیفا ویمنز ورلڈ کپ فٹبال کافائنل انگلینڈ اور اسپین کے درمیان اتوار 20اگست کو کھیلا جائے گا۔

انگلینڈ نے آسٹریلیا کو جبکہ اسپین نے سویڈن کو شکست دیکر  پہلی بار ٹورنامنٹ کے فائنل میں کھیلنے کا اعزاز حاصل کیا ہے۔

فیفا ویمنز ورلڈکپ: انگلینڈ آسٹریلیا کو 1-3 سے شکست دیکر فائنل میں پہنچ گیا

20 اگست کو کھیلے جانے والے فائنل میں انگلینڈکا مقابلہ اسپین سے ہوگا، دونوں ٹیمیں پہلی بار ویمنز ورلڈکپ کے فائنل میں پہنچی ہیں

انگلینڈ کی ٹیم نے  ایونٹ میں 2015ءکے ورلڈ کپ میں تیسری پوزیشن حاصل کی تھی  جبکہ  اسپین پہلی بار سیمی فائنل اور فائنل میں پہنچنے میں کامیاب رہی ہے۔

فائنل کیلئے آسٹریلیا کو فیوریٹ قرار دیا جارہا تھا تاہم وہ انگلینڈ سے ہار گیا۔ ٹورنامنٹ میں تیسری پوزیشن کا میچ میزبان آسٹریلیا اور سویڈن کے درمیان 19 اگست  ہفتے  کو  ہوگا۔