26 اکتوبر ، 2023 
جرائم
لاڑکانہ: 50 روپے ادھار واپس نہ کرنے پر رشتے داروں کے ہاتھوں شخص قتل
26 اکتوبر ، 2023
لاڑکانہ کے قریب نواحی علاقے میں 50 روپے ادھار واپس نہ کرنے پر رشتے داروں نے ایک شخص کو قتل کر دیا ۔
پولیس کے مطابق موئن جو داڑو کے قریب گوٹھ مندرا میں گلاب جونیجو نے اپنے ایک رشتے دار سے 50 روپے ادھار لیے تھے۔
تاہم ادھار کی رقم واپس نہ کرنے پر 3 ملزمان عمران ، محمد علی اور زوہیب جونیجو نے تلخ کلامی کے بعد ڈنڈوں اور چھریوں سے گلاب جونیجو پر حملہ کر دیا جس سے وہ موقع پر ہی جاں بحق ہوگیا۔
واقعہ کے بعد تینوں ملزمان فرار ہوگئے ۔
پولیس نے ورثا کی درخواست پر قتل کا مقدمہ درج کرکے ملزمان کی گرفتاری کے لیے چھاپے مارنا شروع کردیے ہیں۔
