پاکستان
06 جنوری ، 2013
06 جنوری ، 2013 
پشاور: قاضی حسین احمد کی نماز جنازہ ادا کردی گئی، ہزاروں افراد کی شرکت
06 جنوری ، 2013
پشاور … سابق امیر جماعت اسلامی قاضی حسین احمد کی نماز جنارہ پشاور میں ادا کردی گئی، نماز جنازہ سید منور حسن نے پڑھائی، جاوید ہاشمی، مولانا فضل الرحمان سمیت سیاسی رہنماوٴں نے بھی شرکت کی۔ سابق امیر جماعت اسلامی قاضی حسین احمد کی نماز جنازہ پشاور کے موٹر وے رنگ روڈ پر ادا کردی گئی، نماز جنازہ امیر جماعت اسلامی سید منور حسن نے پڑھائی۔ قاضی حسین احمد کی نماز جنازہ میں تحریک انصاف کے رہنما جاوید ہاشمی، امیر جمعیت علمائے اسلامی مولانا فضل الرحمان، حافظ حسین احمد، پروفیسر خورشید سمیت سیاسی رہنماوٴں اور ہزاروں افراد نے شرکت کی۔ نماز جنازہ کے لئے موٹر وے رنگ روڈ پر سیکیورٹی کے سخت انتظامات کئے گئے تھے۔
