کراچی… کراچی میں عائشہ منزل کے قریب مسلح افراد نے گاڑی پر فائرنگ کرکے باپ ، بیٹی کو ہلاک اور دوسری بیٹی کو زخمی کردیا،جبکہ فائرنگ کے بعد گاڑی کھمبے سے جاٹکرائی ہے،پولیس نے واقعے کو ٹارگٹ کلنگ کا نتیجہ قرار دیا ہے۔عائشہ منزل سے طاہر ولا چورنگی کی جانب جاتے ہوئے مسلح افراد نے ایک گاڑی پر فائرنگ کردی، جس کے نتیجے میں باپ، اور اُس کی کمسن بیٹی جاں بحق ہوگئے،جبکہ دوسری بیٹی زخمی بھی ہوئی۔ ترجمان پولیس ایس ایس پی عمران شوکت کے مطابق ہلاک ہونے والوں میں اصغر اُ ن کی کمسن بیٹی زینب شامل ہیں،جبکہ زخمی ہونے والی ایک اور بیٹی کی شناخت دُعا کے نام سے ہوئی ہے،ہلاک اور زخمی ہونے والوں کو عباسی شہید اسپتال منتقل کیا گیا ہے،جبکہ فائرنگ کے واقعے کے بعد گاڑی بے قابو ہوتے ہوئے کھمبے سے بھی جاٹکرائی،جائے وقوعہ پر پولیس اور رینجرز کی نفری پہنچ گئی ہے،رابطہ کرنے پر ایس ایس پی گلبرگ عامر فاروقی نے بتایا کہ گاڑی پر فائرنگ کا واقعہ ٹارگٹ کلنگ کا نتیجہ ہے،اور ابتدائی تفتیش کے مطابق واقعہ فرقہ وارانہ دہشت گردی لگتا ہے،تاہم مزید تفتیش کررہے ہیں۔